السؤال للناس اللي عندها حس علي بالسيارات فقط

تفكر تهديها سيارة عساك ع القوة :) 

بعد رفع البنزين مهن بسايقات الا بنات النعمه
و ممكن الموظفات مع انه بيكون في توجس و تخوف
شي جديد لهن سنين ما فكرن بالسواقه و اذا جربن
يدرن بالصعوبه خصوصا" بالزحمات و تغيير المسارات
و فلاشات ساهر و مخالفات باشر و غيره
غير الحوادث الغبية اللي بتكثر الله يجيب العواقب سليمه

المراءه راح تملك سيارات فارهه وبتحط على الكوري والياباني اكس

ديسلاك
والغريب أن العنوان بس الناس عندهم حس عالي عني بتفهم بالسيارات

اول شي يا عزيزي عط المدام محاضره وفهمها ان السياره مهيب شنطه تغيرها اذا طفشت منها

بالنسبه لذوق النساء بالسيارات يختلف عن الرجال
فمثلا باوروبا النساء يفضلون الهاتشباك (بوكس) لان سواقتها نفس سواقة السيدان وفيها حمولة تخزين كبيره وعمليه
وعندك ميني اس يو في او الجيوب الصغيره (توسان سبورتاج راف 4 ايكوسبورت سنتافيه مازدا 5 او CX-9 الخ...)

الميني كوبر برضو تعتبر خيار ممتاز سعرها جيد نوعا ما بس قطع الغيار (:!!!

واهم نقطه تركز عليها بالسياره (لازم تشوف كل ابعاد السياره بسهوله) يعني ما ينفع تشتري لها تاهو وتقول لها سوقي ترا رؤية الابعاد عند النساء تختلف عنا

وشي لازم تركز عليه
1_ كاميرا خلفيه
2_ كاميرا خلفيه
3_ كاميرا خلفيه

ولو تقدر تجيب لها كاميرات 360 درجه يكون افضل عشان مره وحده توقف زين (:

واخيرا وليس آخرا سياره اقتصاديه

وبالنسبه لاتخاذ القرار انت شف السيارات الي تتوفر فيها النقاط الي قلتها لك مع اعتبار الميزانيه وحط الخيارات امام المدام وخلها تختار وبالتوفيق لك واهم شي لا عمرها تسوق فورد

اشكرك للرد
المشكلة انو حتى مع الكمرات
مارح تعرف تركن السيارة

ياخي احس الفورد فيلكس لايقه عليهم حيل 

الافانزا حقت السواق تسفره و تسوق بداله صغنونه و مصندقه
و الرؤية فيها واضحه

يارجال والله مافي الا سيكل
خلهم يبدن بالتدرج مثلنا حبة حبه ... ارواح الناس بالشوارع مو لعبه

مدري راعي الموضوع يستهبل ولا وش سالفته
سبحان الله المواضيع الي مثل كذا مايكتبها
الا عضو عنده نقطه ولا نقطتين
ولا عمره حتى شارك بتعليق او موضوع ولا نعرفه حتى

عزيزي كيف تبي سياره لها وبردك تحت تقول ماتعرف تركن السياره مع الكاميرات!!

وفي اعضاء مدري وش تحس ردودهم لايزعلون مني بس ابنتقد بسعة صدر
الي يقول فلكس والي يقول افانزا هههههه
تراهي حرمه مثلنا دامها تعرف تسوق عادي لو تاخذ حتى جمس
والي يقول اوروبا يحبون السيارات البوكس
ليش تروح بعيد هههه عندك حريم
الخليج يسوقون جموس وكوامري
والامور طيبه
والي يقول علمها ماهي شنطه كل شوي تغيرها
هههههه حسستني انها بزره وابوها شاري لها دميه جديده
اكيد تعرف واعيا كان غيرت غرفتها كل شوي اذا بتحسب السياره مثل الشنطه

تراني مثل الخليجين محسسيني اننا كائنات فضائيه ههههه

المهم انتقادي بسيط وتغيير جو لا حد يزعل مني وكلكم على عيني وراسي
بس السالفه صارت غثيثه كل شوي واحد مشغلنا فيها الحريم

اول نصيحه لاتشتري فورد ههههههههههه

ثاني نصيحه لاتشتري اخت الفورد ماركيز والجمس هذه اللي يندعم منم المواتر ذي يطبح بالعناية

ثالثا اغلب البنات يحبون الجيوب مدر ليه علشان المطب تضربة سفري او وش يعني فورتشنر او ميستبيشي الجيوب حلوة

مو فاهم وش الفايدة من موضوعك؟؟
الحريم ساقو بنتلي والا دتسن وش بيتغير معك انت؟

أقول إن شاء الله يلغون قرار قيادة المرأة ويفكونا منهن ما حناء 
ناقصين زحمة وحوادث وبلاوي الله يكفينا الشر. 

3 ديسلايكات من بنات ههههههههههههههه

كثير من الناس معارضه ويجيك حتى بالمنتديات يحلف ماتسوق ولايشتري لها سياره

وبالواقع والحقيقه اول من يشتري لها وتسوق غصب عنه مو طيب

ع العموم من وجهة نظري السيارات الفارهه هذي لعيال النعمه

اما اللي حولنا مساكين والموظفات يمكن تاخذ كامري سوناتا او انوفا عشان توصل عيالها للمدارس


وبالتوفيق للجميع

طبعاً انا مو ضد سواقة المراه خلها تسوق برجولها وايديها اذا بتنفع نفسها وتنفع اهلها
وتسلم من مذلة الناس

لكن اعيد واكرر السواقه ذوق واحترام مانبي نشوف زي الشباب المراهقين بالشوارع كرهونا بالسواقه

وانا متامل خير ان بيكونوا الاحسن

وانت شعليك منهم ياصاحب الموضوع بالاحرى شتبي من موضوعك تتكلم في شي مالك علاقة فيه سواء اشترت يارس او بنتلي هذا اول شي

ثاني شي اذا كنت متوقع الردود بتتفاعل معك كل واحد بيقول سيارة ف انت غلطان لان علومك واطية

الشي الثالث واضح من موضوعك انك تنتظر شهر 10 على احر من الجمر واستنقاص في مجتمع الحريم..

اجل بورش مازراتي ما عندك سالفة هههههههه