أضف سؤال أو موضوع جديد          

العمر الافتراضي بحسب وجهة نظرك أو تجربتك

up 1 down 11
fx2y -206
قبل 5 سنه و 10 شهر



السلام عليكم ورحمة الله وبركاته
كيف الحال عساكم بخير؟ 
ابي اطرح موضوع العمر الافتراضي او المتوقع لكل من :
١- طرمبة الزيت 
٢- طرمبة الماء 
٣-الجنزير
٤-الرديتر
٥-القير محافظ على صيانته؟
٦-وزيت الدفرنس تغيره بصفه مستمره ؟ ولا على مقولة مايتغير؟

بحسب تجربة ووجهة نظر كل شخص.
وبالنسبه للاربعه الاوائل متى برايكم الوقت المناسب لتغيرها؟ 
ولا ماتغيرها لين تخرب!

تحياتي (:







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


على حسب استخدامك 


up 3 down 0
majid__120 410
قبل 5 سنه و 10 شهر



 مالها عمر افتراضي


up 2 down 0
سكودر 14930
قبل 5 سنه و 10 شهر



فيه سيارات من عام 1969 والى الان لم يتم عمل شي بالقير او المكينة


up 3 down 1
شقردي2014 408
قبل 5 سنه و 10 شهر



انا عن نفسي ماشيك غير على الزيت والما وامشي شي غيره ماصلحه 
للين ماتوقف السيارة (:


up 2 down 6
w.asa 2028
قبل 5 سنه و 10 شهر



الأديتر وطرمبه المويه تعتمد إعتماد على مويه الأديتر 

لو هي اصليه مع ماء مقطر صدقني بتطول معك 

القير والدفرنس والمكينه علي حسب استخدمتك 

معي كرسيدا مديل 92 قير ودفرنس بلادها 

بسبب المحافظه على الزيوت 


up 3 down 1
الـتاجر الـكبير 726
قبل 5 سنه و 10 شهر



التاجر الكبير؟
يعني انت تغير زيت الدفرنس؟


up 1 down 6
fx2y -206
قبل 5 سنه و 10 شهر



حسب تجربتي وليس وجهة نظر 
فورد 2005 ،360 ألف كيلو

١- طرمبة الزيت ماقيد غيرتها 
٢- طرمبة الماء 250 ألف كيلو 
٣-الجنزير ماقيد غيرته 
٤-الرديتر فيه تهريب بسيط 
٥-القير وضبته قريب 350 ألف نتيجة اهمال الزيت
٦-الدفرنس شد بلده ماشاء الله



up 1 down 0
root liner 42
قبل 5 سنه و 10 شهر



مالها عمر افتراضي على حسب الاستعمال والاستخدام 


up 2 down 0
ss 2007 1798
قبل 5 سنه و 10 شهر



كل قطعه في السيارة لها عمر محدد سواء كان استخدام راعي السيارة جائر او عادي

كل الي ذكرت قطع استهلاكية لها عمر محدد تتغير فيه 
الرديتر ما يتغير الا اذا فيه تنسيم او شق

طبعا مع التنظيف والغسيل كل 50 الف كيلو ان شاء الله ما تغيره طول ما السيارة ماشية معك < هذي اسويها انا من عرفت السيارات 


up 1 down 1
naac 2 2721
قبل 5 سنه و 10 شهر



بالنسبة للجنزير بعض السيارات يتغير كل 100 ألف 
الناتيفا الميتسوبيشي كان يتغير بعد 150 الف 
والابيكا كذلك 

اما زيت الدفرنس انا ماقد غيرته 
اشيك عليه تشييك فقط اذا نقص زدته 

مع اني ما اشوف فيه ضرر لو غيرته بس ما قد غيرته


up 1 down 0
naac 2 2721
قبل 5 سنه و 10 شهر



إلى يسئل على تغيير زيت الدفرنس 

نعم اغيره 
السيارات القديمه مافيها تقنيه اشان تخاف تخرب 

بالعكس لو غيرته بتتحسن معك إلسياره بشكل كبير 


up 1 down 0
الـتاجر الـكبير 726
قبل 5 سنه و 10 شهر



أغلب السيارات جنزير حديد وهذا غالباً ما يتغير ، وأنواع أخرى مثل سيارات الميتسوبيشي تجي سير تيمن مطاط وهذا يتغير أقل شيء بعد 50 ألف كيلو ، والله أعلم .


up 0 down 0
رعد 4 3254
قبل 5 سنه و 10 شهر



الشغلات اللي انت ذكرتها ليست قطع استهلاكية لتحديد عمرها الافتراضي

يعني الرديتر وطرمبة الموية مستحيل انك بتروح تغيرها وهي سليمة مافيها شي ودورة التبريد فعالة وممتازة ، اصلن لو بتغيرها بيقولون عنك مهبول ( فلذلك ما تتغير الا اذا حصل فيها خلل بمعنى طرمبة الموية حصل فيها تهريب او شي وممكن تهرب في يوم وممكن بعد 10 سنوات ف صعب انك تحصر لها عمر افتراضي وايضا الرديتر كذلك فيه سيارات موديلها قديم شوي ورديترتها شد بلد واصحابها محافظين على تغيير موية الرديتر ويحط مويه اصلية ولذلك الرديتر يكون سليم وفعال 100%


الجنزير طبعا يختلف من سيارة لسيارة فيه بعض السيارات يجي ربل وهاذا من المفترض تغييره كل 150 الف تقريبا تزيد او تنقص شي بسيط على حسب السيارة وعلى حسب نوعيتها اما اللي تجي حديد الجنزير ما اشوف يحتاج له تغيير الا لاقدر الله مع التوضيب ، او اذا بدت فيه مشاكل اصوات او شي

طرمبة الزيت ايضا مالها عمر افتراضي لكن اشوف من الاسباب اللي تعجل في انتهى عمرها هو اهمال زيت المكينة حتى يشحم وبذلك يسدد الشخال ويضعف اداء الطرمبة وايضا السيفون المضروب والتجاري هاذا من الاسباب وبالنسبة للقير اشوف انه يتغير كل ممشى معين اقصد الزيت طبعا وواضب على تغييره ولا تكرش له واجد وتجهد القير وبيعيش معك سنين بدون مشاكل

آخر شي زيت الدفرنس بصراحة ما امتلكت سيارة موديل حديث دفع خلفي كل مواترنا الدفع الخلفي قديمة يوكون 2001 وكابرس 85 ولا قد غيرت لها زيت دفرنس وماشيه معي ولله الحمد

لكن الجديدة من اليوكون والتاهو اعتقد تحتاج الى تغيير ومتابعة لتفادي المشاكل

هاذا ردي على استفسارك






up 1 down 0
a.ibrahem 3148
قبل 5 سنه و 10 شهر