أضف سؤال أو موضوع جديد          

زيت نصف تخليقي او تخليقي بالكامل

up 4 down 3
احمد شريف 3193
قبل 5 سنه و 6 شهر



ياخوان كيفكم عساكم طيبين وطيبون وطيبات واطيب العود والعطوروالريحان والبخور
معليش عارف اني زودتها بس تحملوني وكل واحد له سن توب <<بخيل
موضوعي مختصر انا ودي بزيت بزيت نصف تخليقي او تخليقي بالكامل تكون لزوجته 20w50 البترومين ممتاز بس يادوب يمشيني 5000كيلو وخلاص تحسه يطيح من الكرتير مقطع ولونه تقول ازفلت تلاقيه متوفي من زمان والمكينه تصحيه كل شوي ياليت تقولولي ايش الزيوت الممتازه واسعارها لاهنتو
ومعليش دخلت الموضوع بالمزراتي مدري ايش ماعرف اسمها الموهم انو الزيت يكون مناسب لها ههههههههه







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


انا استخدم سوبر شل ممتاز وثقيل بالمكينه 
سعره 15 علبه بسلاستيك 


up 2 down 0
التـاجر الكـبير 504
قبل 5 سنه و 6 شهر



بلاستيك 
^^^ تصحيح 


up 1 down 0
التـاجر الكـبير 504
قبل 5 سنه و 6 شهر



انا اغير فوكس سوبر جيتي 20W50 وامشي الالتيما اوقات داخل المدينه الى 4800 بس بوقت السفر اغيره على 3500




up 1 down 0
aboamani 1149
قبل 5 سنه و 6 شهر



نصيحة

المكاين الصغيرة من 1.3 إلى 2.0

كل ماكان الزيت خفيف كل ماكان أفضل للمكينة


up 1 down 2
naac 2383
قبل 5 سنه و 6 شهر



naac المكينه تحتاج زيت ثقيل اشان مايسير احتكاك 


up 3 down 1
التـاجر الكـبير 504
قبل 5 سنه و 6 شهر



التاجر الكبير

هذا في المحركات الكبيرة 

المحركات الصغيرة اذا صار الزيت ثقيل بيضرها على المدى البعيد 
واسأل اي ميكانيكي 


up 1 down 1
naac 2383
قبل 5 سنه و 6 شهر



انا استخدم موبيل 1 سيارتي مرسيدس S 350   وأمشيه 15 ألف واوقات البرد 20 ألف العلبه قيمتها 50 ريال


up 2 down 0
adil ali 1740
قبل 5 سنه و 6 شهر



اللي يقول الزيوت الثقيله  للمحكرات الكبيره   ممكن توضح من اي مصدر جبت هالمعلومه  !!!

ممكن تضوحلي سبب كتابة 5/20  على غطاء زيت محركات الكرايسلر 300 والتشارجر الجباره وليه موصين باستخدام لزوجه خفيفه

الفوردات ايضا موصى باتسخدام زيت 5/20  حتى مواصفات ومقاييس الشرق الاوسط كاتبين على الغطاء 5/20

وبالكثير استخدام لزوجة 10/30    وفيه واحد في فورد العربيه تواصل مع الشركه الام وافاوده بانه اقصى لزوجه هي 10/30

للايضاح ::

الزيوت الخفيفه قادره على الوصول الى جميع اجزاء المحرك وبالسرعه المطلوبه

الزيوت الخفيفه ماتتعب الطرمبه  ويصير عمل الطرمبه اسهل لان الزيت خفيف

الزيوت الخفيفه قادره على الانتشار السريع وقت البروده العاليه عكس الزيوت الثقيله اللي وقت البروده تحتاج وقت حتى تحمى وتزيد لزوجتها

انا استخدم زيت 20/5 ومشيت عليه 100 الف كيلو وبعت الموتر

وبعدها استخدمت 10/30  لانه 5/20 انقطع من السوق ومشيت عليه لحد 61 الف كيلو وبعت الموتر ومكينته نظيفه

مع العلم انه الزيوت الثقيله هي احدى اسباب ظهور ترشيحات الزيت على وجيه المكينه

الزيوت الثقيله تسبب توسع مساحات اجزاء المكينه والدليل انه اللي له فتره طويله يستخدم زيت ثقيله وفجئه يحول لزيت خفيف راح يضرب عليه جنزير المكينه ومشاكل اخرى

والبناشر يشجعون على الزيوت الثقيله لانها متوفره عندهم

توكيلات الجزيره تغير زيوت درجة لزوجتها 10/30  ومحركات الاكسبدشن V8 قويه

ان كنت تعرف الامريكي الخبير ل30 سنه سكوتي كيلمر وش يقول عن هالموضوع تابع الرابط

http://www.youtube.com/watch?v=MxLzBTHSEwY

سؤالي ؟

ليه توكيلات الزيره تستخدم لزوجة 10/30 لمحركاتها ال V8   وتضمن محركاتها عندها  ؟ 

لو انه هذا الكلام فيه ضرر كانو استخدمو زيوت ثقيله عشان مايبلشون معى الاعطال اللي بتظهر مع الزيوت الخفيفه

طبعا انا اتكلم عن زيوت موتور كرفت المصنعه في امريكا ونصف تخليقيه    مع العلم الزيوت اللي عندنا اغلبها معادة التصنيع


للمعلومية

زيت 5W20 غير مناسب للشرق الأوسط ... مكتوب بالكتالوج لا تستخدم 5W20 في الشرق الأوسط

الزيت يسيح ويخف مع الحراره ويثقل مع البروده


كل مكينه يناسبها زيت معين ولزوجة معينه .. خل كلام الناس .. وافتح كتالوج سيارتك ( دليل المالك ) بتلقى فيه جدول لـ لزوجة الزيت المناسبه وفيه حراره ( يعني معطينك أكثر من خيار .. حسب حرارة الجو )

بالنسبة لتوسع المكينه .. يزيد مع كرف المكينه ( اهمال تغيير الزيت والسيفون - استخدام زيت سيء أو مغشوش ويتبخر بسرعه - استخدام سيفون تجاري - الـ تفتفه - اللي يسوق قير عادي وهو حاشر المكينه على RPM عالي جدا - زيادة مشي السياره - نقص الزيت ) .. سواءاً كنت تستخدم زيت ثقيل أو خفيف

مكتوب بالكتالوج

تغيير الزيت كل 5 آلاف والسيفون كل 10 آلاف

وأنا شخصيا أنصح بمعايرة الزيت كل 1000 كيلو


بالنسبة للترشيحات .. السبب زيادة الزيت .. يا جماعة الخير ياليت كل واحد منكم يفتح كتالوج سيارته (دليل المالك) ويشوف كم تاخذ زيت ( مع أو بدون تغيير السيفون ) .. الكتالوج فيه كل شيء عن سيارتك الزيوت المناسبه وكل شيء

لكن مشكلة أغلب الناس يعتمدون على البناشر .. مثلا انا سيارتي كان البنشري يعبي لها 4 علب ونص مع السيفون

ويوم قرأت كتالوج سيارتي سيارتي تحتاج فقط 4 علب و 200 ملي مع السيفون ... يعني البنشري زايد أكثر من ربع علبه ( 300 ملي ) .. وهذا خطر ويخرب صوف جلد المكينه وتصير تهرب زيت

الكتالوج يقول ( مع السيفون ) 4.2 لتر زيت
والبنشري يعبي 4.5 لتر زيت

يا اخوان لا تستهينون بنفسكم .. ومافيه أحد يولد عالم .. أقرأ كتالوج سيارتك وتعلم كل شيء عن سيارتك .. لا تقول البنشري أكثر خبرة مني .. لا تقول مالي خلق أقرأ ووجع راس

أنت عندك عقل تفكر فيه ويدين تفتح فيها الكتالوج وعيون تقرأ فيها .. أستغلوا هذه النعم بشيء مفيد


والمهندسين اللي صانعين السيارة أبخص وأكثر خبره مني ومنك ويعرفون كل صغيره وكبيره عن السياره




up 5 down 0
speed for ever 3658
قبل 5 سنه و 6 شهر



انا استخدم 10W30 بالشتاء ولا عندي أي مشكله .. أحسن من 20W50 بالشتاء .. ويتوزع بسرعه عند بداية التشغيل

مع أني كنت أستخدم 20W50 في السابق لمده طويله

الزيت معروف انه يسيح ويخف مع الحرارة ويثقل بالشتاء

فيه أخطاء يقع فيها بعض الناس عند معايرة الزيت .. ويظن ان الزيت ناقص ( وهو تمام ولا نقص ) .. لكن المشكلة بطريقة معايرته للزيت وجهله

مثل :

يشغل السياره ويطفيها وعلى طول يعاير الزيت < أكبر خطأ
يعاير الزيت على أرض غير مستوية تماما < أكبر خطأ .. لأن العيار يعطيك قراءة غير صحيحة بتاتاً
والخ ...

الطريقه الصحيحه لمعايرة الزيت :

1) توقف سيارتك على أرض مستوية تماما
2) تخليها تبرد لساعات طويله ( عشان ينزل الزيت لكارتير"خزان" الزيت )
3) تسحب العيار وتمسحه زين ثم تدخله وتركبه زين وانتظر ثواني عشان يمسك الزيت بالعيار
4) اسحب العيار ودقق بـ ( مستوى الزيت - لون الزيت - اللزوجه - ريحته )




up 3 down 0
speed for ever 3658
قبل 5 سنه و 6 شهر



انا مكانيكي يقولي سوبر شل ممتاز مو انت تقتيلي من راسك 
معروف الزيت الثقيل ممتاز المكنيه 


up 0 down 5
التـاجر الكـبير 504
قبل 5 سنه و 6 شهر



افضل زيت ومن دون منازع وعن تجربه . زيت جيتي كاسترول 10/30


up 2 down 2
صالح بن صالح 121
قبل 5 سنه و 6 شهر



افضل زيت ومن دون منازع :) ..... كاااستروول ماااااجنااااااتيك (الاخضر) 10/30


up 1 down 2
majid511 70
قبل 5 سنه و 6 شهر



speed for ever
للأسف طريقتك في معايرة الزيت خاطئة والطريقة الصحيحة

1-تشغل السيارة وتخليها تحمى حتى توصل لدرجة حرارتها الطبيعية
2-تطفي السيارة وتصبر عشر دقايق
3-اذا الزيت بين الحد العلوي والحد السفلي بالعيار فالعيار صحيح



up 2 down 0
ماكسيما 2008 6725
قبل 5 سنه و 6 شهر



والله انا لو اشيك بالزيت لازم اخليها واقفه اكثر من 12ساعه وهي طافيه اسوي نفس كلام اخوي سبيد ويعطيك العيار بالزبط مستوى الزيت هاذا الصحيح


up 1 down 0
احمد شريف 3193
قبل 5 سنه و 6 شهر